मंगळवार, २५ जुलै, २०१७

प्रिय,💝


 

प्रिय,💝
तू जवळ नसतांना
तुला शब्दात बांधणं
सोप्प होतं....
जितकं तू जवळ असतांना
कठीण झालंय....
तू समोर नव्हतास
तेव्हा शब्दकळ्या
फुलून यायच्या
आसक्तीनं आणि ओढीनं
आरक्त व्हायच्या....
अनं आता
तू समोर आलास की,
शब्दांची एकएक पाकळी
गळून पडते
भावनांचे परागकण
उघडे पडतात
विरून जातात
वा-याच्या प्रवाहात....
तुला कळतंय का
शब्दांशिवाय
तुला माझ्याशी बांधून
ठेवणं...
किती कठीण झालंय...!

                                      

                                     ©  समिधा



बुधवार, १२ एप्रिल, २०१७

" किती वेळा ....?"

Image may contain: 1 person, closeup


किती वेळा मला
डीलीट फीलीट करून
आत बाहेर करशील .....
किती वेळा लिहीशील माझ्यावर
माझ्यासाठी ?
एकदाच काय तो माझा आशय
ठरव...!
आणि संपव मला एकाच अर्थावर
जिथे तूला शांती अनं मलाही मुक्ती असेल....
फक्त एकच सांगते
परत परत मला खोडू नकोस
कवितेचे प्रारूप समजून !

                                            *** © " समिधा "

बुधवार, ५ एप्रिल, २०१७

स्वप्नांनो......!

     

उराशी जपलेल्या

स्वप्नांना मी गंजू देत नाही

घासून पुसून पितळी भांडी लख्ख करून ठेवावी

तशीआऊटडेटेड होण्या आधी!

स्वप्नेही अपडेट करीत असते

लवचीक होण्यासाठी

स्वप्नांना रोज लहान मोठं होण्याची

एक्सरसाईजही देते

परिस्थितीला जुळवून घ्यायची

तेवढीच सवय होते

स्वप्नांना जगण्यात उतरंवायचं

तर पेशन्स वाढायला

रोज देवळात जाते

नोटबंदीच्या काळात स्वप्न घेऊनच

तर उन्हातान्हात उभी होते

स्वप्नांनाही सत्तांतर , अर्थसंकल्पाचा

बसतो फटका

मग स्वप्न कधी लांबणीवर तर

कधी बरखास्त करते

धार्मीक दांभिकता मानत नाहीत माझी स्वप्न

सत्यात येण्यासाठी कधी

गणपतीला अगरबत्ती

दर्ग्यावर चादर ,

येशूला मेणबत्तीही पेटवते

भरकटतील अशी परिस्थिती सध्या आहे खरी

म्हणून स्वप्नांना एकटे सोडत नाही कधी

मोठी खोटी स्वप्न विकणारे खुप आलेत बाजारात

माझ्या स्वप्नांना उगीच

लहान लहान म्हणून चिडवतात

तरी स्वप्न पहायची बंद नाही केलीत

तीच तर जगवतात

नाहितर कधीच संपले असते

आणि डोळ्यात आजकाल मी

काजळ नसते घालत

डोळ्यांत फक्त आणि फक्त

स्वप्नच सजवते .....

उगीच नाही माझ्या डोळ्यात

एक वेगळीच चमक दिसते !!



                                           © "समिधा"

                                                                      

सोमवार, १६ जानेवारी, २०१७

जरा जराशी मीही उरले तुजपाशी........!


















जरा जराशी मीही उरले तुजपाशी
जरा जरासा तुही उरला मजपाशी....!

 

 

शुभ्र चांदणे अंगावरी पांघरले होते
तेच चांदणे दोघे अजुनही घेतो उशाशी...!

 

 

मंदिराचा चौथरा अनं रातराणीचा पार
ओघळणारा प्राजक्तही जपला खोल श्वासांशी...!

 

 

इथे घेतला श्वास अनं तिथे सोडला निश्वास
हाच दुवा अजुनही जोडतो दोघांच्या प्राणांशी...!

 

 

किती खोदल्या दोघांनी स्मरणांच्या खाणी
फक्त उसासे आणि दिलासे अजुनही तळाशी...!

 

 

विरहाचे ते गाणे अनं अंतरातला टाहो
अजुनही घुमतो इथेतिथे दोघांच्याही ह्रदयाशी

 

 

                                                   © "समिधा "

मंगळवार, १० जानेवारी, २०१७

हया अंतरीच्या गाठी.......



Image may contain: 1 person



कधी येशील सख्या
जड पापण्या झाल्या
झाड मिटून गेले
सावल्याही विरल्या ...!

 

गंधाळली रात दारी
नक्षत्रांची तोरणे ल्याली
तुझी एक झलक पहाण्या
सवे चांदण्याही जागल्या ...!

 

चंद्र तेवतोय मंद
धीर उचंबळे श्वासात
अंतरीची नजर
तुझ्या वाटेत पसरल्या ..!

 

सरू नकोस सख्या
मला दिलेली वचने
प्राण प्रतिक्षा फुंकून
त्यांसी ह्रदयी स्थापिल्या ...!

 

किती सरली युगे
जन्म घेऊ किती सख्या
एका जन्माची नाही आस
हया अंतरीच्या गाठी
जन्मजन्मांतरी बांधल्या ...!!!

 

 

                                             ©"समिधा"

उतारावर.......

Image may contain: sky, night and outdoor

उतारावर आलीय आता...
पण मन मात्र अजून उतारावरून
उतरत नाहीय....!
खिळून राहिलय.....चढणीवर….
तुझीच वाट पहात....!!

                                                           ©"समिधा

 

 

(इथे उतार हे 'वयाचे ' प्रतिक आहे)


त्यालाच 'प्रेम' म्हणतात...!!!

Image may contain: one or more people, people standing and outdoor

तू विचारू नकोस ....
मीही काही सांगत नाही...
आधी मला माझं मन उमजू दे...
मग तुझं मला आपसुकच समजेल....
खरं तर साद प्रतिसादाची भाषा
उमजल्याशिवायच काही निर्णय
आपसूक होऊन जातात....
त्यालाच 'प्रेम' म्हणतात...!!!

 

                               ©"समिधा"