जेंव्हा प्रेमाचा
फारच
अतिरेक होतो ……
तेंव्हा
का कोण जाणे ……
एकमेकांना घायाळ
का केले जाते ……. ?
खुपच समजुतीने
वागतांना
अचानक
गैरसमजुतींना पेव का
फूटते ……. ?
"समिधा"
मंगळवार, ३० जुलै, २०१३
जेंव्हा प्रेमाचा.........!!!!!
जेंव्हा प्रेमाचा
फारच
अतिरेक होतो ……
तेंव्हा
का कोण जाणे ……
एकमेकांना घायाळ
का केले जाते ……. ?
खुपच समजुतीने
वागतांना
अचानक
गैरसमजुतींना पेव का
फूटते ……. ?
"समिधा"
सोमवार, १५ जुलै, २०१३
तुझा ओला डंख .....!!
माझ्या रुक्ष मनावरील
तुझा ओला डंख
मला रुचला .....?
असे नाही .....!
पण माझा तो
हक्क नाही .....!
माझ्या काळ्याशार
कातळावर .....
हिरवळ काय
पण शेवाळही
मंजूर नाही .....!!!!!!
"समिधा"
बुधवार, १० जुलै, २०१३
तोच चंद्रमा गगनी .......!!!!
तोच चंद्रमा गगनी
तीच रात्र पौर्णिमेची
पण .. जपुनी बसलो शेजारी ....!!
अनं .......
खुशाली पुसली इतरांची
हाही क्षण होता नशिबी
तू न माझा , मी दुस-याची ......!!
तोच चंद्रमा गगनी
तीच रात्र पौर्णिमेची .......!!!!!
"समिधा"
खुल्या चांदण्यात........
खुल्या चांदण्यात
तुझी माझी भेट
हातामध्ये हात
अनं
स्वप्न डोळ्यांत .........!
खुल्या चांदण्यात
केला संसाराचा थाट
उन पाऊस झेलले
त्या भेटीच्या क्षणांत .........!
खुल्या चांदण्यांत
सरे रात्र ही वेगात
सुटे हातातला हात
स्वप्न पाठीशी घेउन
भेट .....धरी ...विरहाची वाट .......!
खुल्या चांदण्यात
पुन्हा .....
तुझी माझी भेट .......!!!
समिधा
समिधा
"व्याकुळलेल्या अंतरात"
व्याकुळलेल्या अंतरात
जीव कसा झुरतो .....??
रात्रीच्या बाहुपाशात
चंद्र जसा जागतो ......!!
समिधा
सोमवार, २४ जून, २०१३
"तू तिथे ...... अनं मी इथे" ....!
तू तिथे ......
अनं मी इथे ....!
आपल्यामध्ये ....... आपली
स्वप्ने ............!
काही तू पाहिलेली
काही मी पाहिलेली.....!
तू पाहिलेली स्वप्ने
फुलपाखरु होउन
माझ्या डोळ्यांच्या
पाकळ्यावर बसतात
आणि माझ्यास्वप्नांचे मधुकण
घेउन तुझ्या
डोळ्यांत फुलतात ......!
तू तिथे ......
अनं मी इथे .....!
असलो तरी .....
तुझ्या ..... माझ्या
प्रेमाचे
मधुकण असे
अणु रेणूत ......
आसमंत व्यापतात ......!
तू तिथे ......
अनं मी इथे .....
तरीही एका
अस्वस्थ ......
पण .... आश्वस्थ .....!
जाणिवेने .... एकमेकांना
बांधतात ........!!!!!
समिधा
गुरुवार, २३ मे, २०१३
तू गेल्यानंतरही .............!
तू गेल्यानंतर ..........
अनेकांचे माझ्या मनावर
झालेले बलात्कार ...........!
तू होतास ......
तुझ्यात माझे अस्तित्व ......?
जरी तू कधीच मानले
नाहीस .........!
म्हणूनच ........ तू गेल्यानंतर
त्यांची हिम्मत झाली ..... बोलायची
मिळते ते फुकटचे ........! कारण
त्यांना हवा होता ........
तू केलेल्या षंढ बलात्कारातुन
त्यांच्या वंशाचा दिवा ........
जो मी नाकारला ........!
माझ्या अस्तित्वासाठी .........!
तू असतानाही
वाचवत होते मी
माझ्या अस्तित्वाला .......
तरीही .........
तुझ्या भिरभिरत्या
नजरेच्या एखाद्या फांदीवर
लटकुन .......
पहात होते ............ मी
मायेचा झोका देतोय का ......?
तू गेल्यानंतर .......
मौनात जपलेल्या तुझ्या
रक्तबंबाळ खुणा ......
वाहू लागल्या .........
वेदना ,यातनांचा कढ
डोळ्यातून पाझरु लागला .....!
निशब्द होत होत ....
पूर्ण माझ्या अस्तित्वात
भिनला .......!
तू गेल्यानंतरही
मनावरचे बलात्कार
चालूच आहेत ..........!
आता वठलेल्या वृक्षांनाही
नवी पालवी फूटते ........
वेलींना नवे कोंब
फुटुन ......
माझ्या तटस्थ मनाला
वेढायला लागल्या आहेत .......!
तू गेल्यानंतरही .............
तू गेल्यानंतरही .............!
तुझे अस्तित्व असे
इथे - तिथे ..........!
सरपटतांना दिसते ........!!!!!
समिधा
याची सदस्यत्व घ्या:
पोस्ट
(
Atom
)