"जीवन म्हणजे काय केवळ
काटेरी डंख आहेत ….?
डोळे उघडून पहा तरी
प्रत्येकाला फुलपाखरांचे पंख आहेत ……!!"
" समिधा "
शुक्रवार, १६ ऑक्टोबर, २०१५
प्रत्येकाला फुलपाखरांचे पंख आहेत ……!!"
"जीवन म्हणजे काय केवळ
काटेरी डंख आहेत ….?
डोळे उघडून पहा तरी
प्रत्येकाला फुलपाखरांचे पंख आहेत ……!!"
" समिधा "
तू बरोबर असलीस की ....
तू बरोबर असलीस की
रानं … फुले हसतात
तुझ्याशिवाय दिसलो की
सारे माझ्यावर रुसतात …!!
" समिधा "
गुरुवार, ८ ऑक्टोबर, २०१५
"गुंत्यात सा-या गुंतवूनी ....."
गुंत्यात सा-या गुंतवूनी
सहज त्याचे सांगणे ……!
गुंतू नकोस माझ्यात
बरे नव्हे गुंतणे ....... !!
खरंच ....
इतके सहज असते
रेशमी मखमली धागे
उसवणे ……??
खोल श्वास घेऊनी
देई अबोल हुंदका
खरंच ……
किती कठिण ते
अश्रुंना दटावणे ……!!
पाठ तुझी फिरता
झाली फितूर दुनिया
माझ्याही श्वासांना
जड झाले झेलणे ……!!!
येशील तू परतही
माझी खुशाली पुसण्या
काय सांगावे कसे
असेल आपले भेटणे .... !!!
तू तुझा अनं मी माझी
नाते असेल संपले
की जुन्या स्पंदनांना
जागवावे नव्याने ……???
"समिधा"
शनिवार, ३ ऑक्टोबर, २०१५
बुधवार, २३ सप्टेंबर, २०१५
काही तुला सांगावे .... !
काही तुला सांगावे .... !
काही तुझे ऐकावे …!
पुरे झाले एकमेकां पहाणे
मौनात गेले कितीक दिसराती
शब्दांचे झूले मनातच झूलती …!
कधीतरी स्फुरावे अंतरंगी स्वरांना
तुझ्या माझ्यातले मौनातले गाणे ....!
असा सडा शब्दांचा पडावा
मोहरून जावीत झाडफुलपाने
अनं …तशातच माझे लाजुन हसणे …!!!
" समिधा "
गुरुवार, १० सप्टेंबर, २०१५
अस्वस्थ मनाच्या तळ|शी ....!!
अस्वस्थ मनाच्या तळ|शी
एक अपमान … की अहंकार
दडपून ,
हसण्याचा माझा केविलवाणा
प्रयत्न …!
दगडाने मला ठेचले असते
तरी चालले असते …
पण पाठ वळवून तू
निघून गेल्यावर …
हसण्याचा तुझा उद्दामपणा …!
माझ्यावरचा तो घाव
तू परत आल्यावरही
भळभळुन वाहतोय …
निपचीत पडलय प्रेम
निरवंश झालेल्या
प्रेतासारखे …!!!
" समिधा "
याची सदस्यत्व घ्या:
पोस्ट
(
Atom
)