प्रिय....
इथे काय आहे तुझ्यासारखे
कुठे सांग आहे कृष्णसावळा...!
कशाने भरावी तुझी पोकळी
निर्वात नश्वर जीवनसोहळा...!
यमुना किनारी रेखील्या रेषा
रेषांत दावील्या तू स्वप्नमाळा...!
रिझवून भिजवून सोडून गेल्या
प्राक्तनी नसाव्या त्या सांजवेळा...!
नको ठेवू भास माघारी आता
भासात जपू किती जीव्हाळा..!
दूर लुप्त झाली बासरीची धुन
सांग रमावा कसा जीव खुळा..!
क्षितीजापार केलास सलोखा
तरी विद्ध राधेचा सुटेना लळा !
इथे काय आहे तुझ्यासारखे
कुठे सांग आहे कृष्णसावळा...!
© pK
कोणत्याही टिप्पण्या नाहीत :
टिप्पणी पोस्ट करा