ठरवून ,
तुला भेटलो
असेनही …!
पण ,
ठरवूनही
तुला विसरता
येत नाही ……!!!!
गुरुवार, १२ सप्टेंबर, २०१३
मंगळवार, २७ ऑगस्ट, २०१३
का ..…. कोण …… जाणे ….!
का ..…. कोण …… जाणे ….!
पण …….
तू आलास की ………. !
माझे मनातले शब्द
भावनांच्या आड़ लपतात
डोळ्यांची लवतात पाती
आणि फक्त
स्वप्नेच उरतात
का ..…. कोण …… जाणे ….!
पण
तू दूर असलास की
मनातले भाव
कागदावर येतात
अश्रुंची उड़ते लगबग
आणि
ओठांत जाउन विरघळतात ……!!!
"समिधा "
बुधवार, ३१ जुलै, २०१३
अखेरची भैरवी अजुन बाकी होती …!
माझी मैफल संपली होती
पण भ्रमात मी होती
अखेरची भैरवी अजुन बाकी होती …!
मैफिलीत माझ्या
अनेक यती - जाती
छेडून , तर कधी सुर
तोडून जाती
अखेरची भैरवी अजुन बाकी होती …!
मैफिलीत साथ
माझी मलाच होती
एकांती एक पण अनेकांतही
एकटी होती
अखेरची भैरवी अजुन बाकी होती …!
भैरवीत व्हावा अंत
इच्छा अंतिम होती
पण लावून कुणी ज्योत
पहाट उजळत होती
अखेरची भैरवी अजुन बाकी होती …
मंगळवार, ३० जुलै, २०१३
जेंव्हा प्रेमाचा.........!!!!!
जेंव्हा प्रेमाचा
फारच
अतिरेक होतो ……
तेंव्हा
का कोण जाणे ……
एकमेकांना घायाळ
का केले जाते ……. ?
खुपच समजुतीने
वागतांना
अचानक
गैरसमजुतींना पेव का
फूटते ……. ?
"समिधा"
सोमवार, १५ जुलै, २०१३
तुझा ओला डंख .....!!
माझ्या रुक्ष मनावरील
तुझा ओला डंख
मला रुचला .....?
असे नाही .....!
पण माझा तो
हक्क नाही .....!
माझ्या काळ्याशार
कातळावर .....
हिरवळ काय
पण शेवाळही
मंजूर नाही .....!!!!!!
"समिधा"
बुधवार, १० जुलै, २०१३
तोच चंद्रमा गगनी .......!!!!
तोच चंद्रमा गगनी
तीच रात्र पौर्णिमेची
पण .. जपुनी बसलो शेजारी ....!!
अनं .......
खुशाली पुसली इतरांची
हाही क्षण होता नशिबी
तू न माझा , मी दुस-याची ......!!
तोच चंद्रमा गगनी
तीच रात्र पौर्णिमेची .......!!!!!
"समिधा"
खुल्या चांदण्यात........
खुल्या चांदण्यात
तुझी माझी भेट
हातामध्ये हात
अनं
स्वप्न डोळ्यांत .........!
खुल्या चांदण्यात
केला संसाराचा थाट
उन पाऊस झेलले
त्या भेटीच्या क्षणांत .........!
खुल्या चांदण्यांत
सरे रात्र ही वेगात
सुटे हातातला हात
स्वप्न पाठीशी घेउन
भेट .....धरी ...विरहाची वाट .......!
खुल्या चांदण्यात
पुन्हा .....
तुझी माझी भेट .......!!!
समिधा
समिधा
याची सदस्यत्व घ्या:
पोस्ट
(
Atom
)